05:34 م
الثلاثاء 18 يوليو 2023
وقال “أنور” خلال لقائه ببرنامج تفاعلكم المذاع عبر قناة العربية: “أنا مفيش حاجة روحت فيها ضيف شرف وخدت فلوس بيقولولي أقف جنب أخوك وكده بس في الفيلم ده محدش من ضيوف الشرف خد فلوس”.
وأضاف مازحا: ” ده تقريبا احنا نفسنا مخدناش فلوس”.
واستكمل: “بس فعلا هم جايين مجاملة عشان أحمد فهمي لأنه بيعمل كده طول الوقت فالناس بتيجي علشانه”.
وأضاف الفنان “أوس أوس” : “ممكن يطلع ضيف شهر مع ناس وميتكلمش في فلوس خالص عشان كده لما طلب كل الناس جتله على طول”.
وأضاف: “أنا بتبسط جدا بالشغل مع أحمد وهنا واشتغلت كمان معاهم وهم لسه بيحضروا للفرح كانوا لسه متجوزوش وبيعملوا مسلسل الواد سيد الشحات وأنا كنت ضيف معاهم 3 حلقات تقريبا فكنت مبسوط جدا والكيميا بينهم جميلة، وبعدها في مستر إكس كل ما هتيجي تتفرجي على مشهد هتصدقيه جدا”.
ليستكمل “أنور” قائلا: “احنا متعاملناش مع هنا خالص في الفيلم احنا طالعين بنكره الستات .. إنما أحمد من أكتر الناس اللي الواحد اتبسط معاه في حياته لأن وانت واقف قدامه انت أهم حاجة بالنسبة له مش نفسه انتي لما تتفرجي عالفيلم هتلاقيه موزع المساحات كلها بالتساوي ودي ثقة في نفسه كبيرة وواثق كمان في اللي حواليه .. أنا بحبه جدا”.
فيلم “مستر إكس” بطولة أحمد فهمي، هنا الزاهد، بيومي فؤاد، محمد أنور، محمد أسامة (أوس أوس)، رحاب الجمل، وبمشاركة مجموعة كبيرة من ضيوف الشرف، بينهم: إلهام شاهين، أكرم حسني، أمير شاهين، مي عمر، محمود حافظ، كابتن مجدي عبدالغني، إبراهيم فايق، سيناريو وحوار أحمد عبدالوهاب وأمجد الشرقاوي، والفيلم من إخراج أحمد عبدالوهاب.
