السينما والتلفزيون

هنا شيحة: الجونة بيتي الثاني وبحس إني بتحرر فيها من القيود


07:00 ص


الثلاثاء 19 أكتوبر 2021

كتب- عبد الفتاح العجمي:

قالت الفنانة هنا شيحة إنها حريصة على المشاركة في كافة دورات مهرجان الجونة السينمائي، منذ دورته الأولى لكن تعذر حضورها في الدورة الرابعة بسبب تزامن توقيت الفعاليات مع تصوير أحد أعمالها.

تابعت في لقاء لها خلال برنامج “كلمة أخيرة” مع الإعلامية لميس الحديدي على قناة ON: “مهرجان الجونة بيتي الثاني، وأنا بحب الجونة وعلى طول فيها من بداية تدشينها في عام 1996، من وأنا صغيرة وطفلة”، موضحةً أن “الجونة بلد ساحر وهوائها نظيف خالي من الرطوبة”.

أضافت “شيحة”: “بحب لما أجي فيها أفصل وأشد الفيشة، لأني ببقى حرة فيها من غير قيود ومحدش مركز معايا ولا بيبص عليا، وفي الآخر وظيفة الفنان بطبيعتها بتضعه تحت دائرة الضوء بما يترتب عليه مواجهة الاحتكاك مع الشارع دائمًا، حد يقلي ممكن نتصور أو نتكلم وساعات كبني أدمة رغم كوني فنانة مش ببقى عاوزة وأنا باكل ألاقي حد عاوز يتصور في أوقات كتيرة، ولازم يبقى فيه وقت بتاعي أكون فيه وسط ولادي وأصحابي ومش عايزة أركز هلبس إيه والميكاب إيه”.

استكملت: “بحب الخصوصية في الجونة، وبحس براحة وتحرر من القيود ومحدش هيغلس عليا ممكن ألبس شورت الصبح أو مايوه مش بفكر في التفاصيل دي، أنا جاية انبسط بلا قيود”.

“كلمة أخيرة” يذاع من السبت إلى الثلاثاء في تمام الساعة التاسعة والنصف مساء.

تابع تغطية خاصة لمهرجان الجونة السينمائي (اضغط هنا)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى